ألا يالعبـد لوتملـك ملاييـن فالبـنك
ماتنفعـك مادمـت لله عـاصـي !!
تدري وش اللي يجلب الضيق والضنك
إن كان ماتدري تراهـا المعاصـي!!
وان كان تدري يافتـى خلهـا عنـك
من قبل يوماً به تشيـب النواصـي!!
تـرى بـلاك وعلتـك كلهـا منـك
مير اسأل المعبود منهـا الخلاصـي!!
وارجع قبل في باطن الأرض ندفنـك
ما ينفعـك لا مت دانـي وقاصي!!
لاضامنـاً حيـاُ ولا حـي يضمنـك
ماللبشـر عـن مايقـدر مناصـي !!
واحذر تصير النـار دارك ومسكنـك
اللي حرارتها تذيـب الرصاصـي !!
وممشـاك مـع رجلٍ عزيزٍ يثمـنـك
ينفعك لاجا في السنين اختباصـي !!
يمشي قـدر واجبـك ما هـو بهاينـك
يكمل مطاليبك ليـا جيـت ناصـي!!
يعجبك لاحطيت مثلـه علـى ايمنـك
قرمٍ يحل المعضـلات العواصـي !!
واحـذر تماشـي واحـداُ مايواطنـك
اليا بدالك واجبٍ عنـك حاصـي !!
الجمعة يناير 02, 2009 7:59 am
كلمات في غاية الروعه كل الشكر لج على هالنقل الحلو تقبلي مروري
